وسعت اللہ خان

ایشیائی بساط۔ چین ایران سانجھے داری

August 1, 2020 // 0 Comments

چھ جولائی کو ایرانی وزیرِ خارجہ جواد ظریف نے اشارہ دیا کہ چین کے ساتھ ایک ۲۵ سالہ ساجھے دار سمجھوتے کو آخری شکل دی گئی ہے۔ حسنِ اتفاق سے اس معاہدے کی حتمی نقل کے ۱۸ صفحات بھی فوراً میڈیا کے ہتھے چڑھ گئے۔ اگر یہ صفحات اصلی ہیں تو پھر یہ وہی سمجھوتہ ہے جس کی بازگشت سال بھر سے سنائی دے رہی ہے۔ گزشتہ برس ۳ ستمبر کو ’’ڈان‘‘ میں پاکستانی سفارت کار منیر اکرم کا مضمون شائع ہوا جس میں توانائی کے شعبے سے متعلق معتبر ماہانہ جریدے ’’پٹرولیم اکانومسٹ‘‘ کی ایک رپورٹ کا حوالہ دیا گیا کہ چین ایران میں تیل و گیس، ٹرانسپورٹ، مواصلات اور تعمیراتی شعبوں میں لگ بھگ چار سو دس بلین ڈالر کی سرمایہ کاری کرے [مزید پڑھیے]

سینسر شپ؟ لگ پتا جائے گا!

November 1, 2018 // 0 Comments

یقیناً آج کے پاکستان میں کچھ موضوعات شجرِ ممنوعہ ہیں۔ آپ ان معاملات پر ریاستی بیانیے سے ہٹ کر، ہاتھ ڈالنے کی کوشش کریں گے تو ہر طرح کی بھڑیں کاٹ کاٹ کے پنڈا سجا دیں گی اور ’’سوشل میڈیائی مکھیوں‘‘ کا جھنڈ چہار سمت سے پِل پڑے گا اور جسم پر جگہ جگہ پاکستان و اسلام دشمنی، غداری، غیرملکی ایجنٹی اور ملکی سلامتی کو خطرے میں ڈالنے کی سازش کے الزامیہ ددوڑے ڈال دے گا۔ آپ کی سوچ، شجرے، ماضی و حال کو ہر طرح کے دشنامی ایمونیشن سے چھید دیا جائے گا۔ یہ درست ہے کہ بلوچستان، دہشت گردی کے خلاف جنگ، بنیادی حقوق، غائب افراد کا معاملہ، حساس اداروں کی بالائے آئین سرگرمیاں، کاروباری مفادات، عدلیہ کے فیصلے اور ’’سی پیک‘‘ پر [مزید پڑھیے]

فلسطین ایک پٹی ہوئی فلم ہے؟

June 1, 2018 // 0 Comments

ہم ۷۰ برس سے فلسطینیوں کے حقوق کے حق میں نعرے لگاتے لگاتے تھک چکے ہیں۔ آخر ایک ہی فلم کوئی بار بار کتنی بار دیکھ سکتا ہے۔ بھلے اس میں کتنا بھی ایکشن، تھرل، رومانس، ٹریجڈی اور مزاح بھرا ہوا ہو۔
مگر ہاتھ کا پتھر گواہ ہے کہ ہر ہوش سنبھالنے والے فلسطینی بچے کے لیے یہ فلم ابھی ابھی شروع ہوئی ہے۔[مزید پڑھیے]

’پاکستان چین کا اسرائیل ہے!‘

September 16, 2017 // 0 Comments

حالانکہ ۱۹۵۰ء میں بھارت اور پاکستان نے عوامی جمہوریہ چین کی کمیونسٹ حکومت کو یکے بعد دیگرے تسلیم کر لیا تھا مگر چین مغرب نواز جاگیردارانہ طبقے اور نوکر شاہی کے چنگل میں پھنسے پاکستان کے بجائے نہرو کے سوشلسٹ، غیر جانبدار، سامراج مخالف بھارت سے خود کو زیادہ قریب سمجھتا تھا۔ جون ۱۹۵۰ء میں جنوبی کوریا پر شمالی کوریا کے حملے کے خلاف مسلح بین الاقوامی ایکشن کی جو امریکی قرارداد اقوامِ متحدہ کی سلامتی کونسل نے ایک ویٹو پاور سوویت یونین کی غیر حاضری کے نتیجے میں منظور کی اس کی بھارت اور پاکستان نے بھی حمایت کی، مگر نہرو نے بعدازاں یہ بھی کہا کہ چین کو تائیوان کی جگہ اقوامِ متحدہ کا رکن بنانا چاہیے تاکہ کوریا کی جنگ کا کوئی [مزید پڑھیے]

لال بھبھو کا اسرائیل

March 1, 2017 // 0 Comments

لاڈلا ہونا کوئی بُری بات نہیں۔ بُری بات یہ ہے کہ لاڈ لاڈ میں بچہ اتنا بگاڑ دیا جائے کہ وہ والدین سمیت ہر کسی سے بدتمیزی کو ایک معمول سمجھنے لگے۔ ایسا تب ہوتا ہے جب باپ سرزنش کرنے لگے تو بچے کے آگے ماں کھڑی ہوجائے اور ماں ڈانٹنے لگے تو باپ بچہ کو گود میں اٹھا لے۔چنانچہ ایک دن بچہ سر پہ مُوتنا شروع کردیتا ہے اور اس کا کوئی کچھ نہیں بگاڑ سکتا۔ اگر عالمی برادری کو ایک بڑا کنبہ سمجھ لیا جائے، تو جس بچے نے سب سے زیادہ ناک میں دم کر رکھا ہے وہ اسرائیل ہے۔ پہلے تو ماں (برطانیہ) نے تربیت کے تمام بنیادی اصولوں کو بالائے طاق رکھا۔ بعدازاں سوتیلے باپ (امریکا) نے اگلی پچھلی تمام [مزید پڑھیے]

اگر تو یہ انصاف ہے!

December 16, 2013 // 0 Comments

جب بنگلہ دیش بنا تو اس وقت شیخ مجیب الرحمان دیوتا تھے، پھر بھی اُن کا دھیان اس طرف نہیں گیا کہ بنگالی قوم کے احساسِ محرومی، غصے اور جذبۂ انتقام کو قومی تعمیر کی جانب مرتکز کرکے خون میں نہائی آزادی سے ایک شونار بنگلہ (سنہری بنگلہ دیش) پیدا کر لیا جائے۔ ایسا بالکل ممکن تھا، کیونکہ اس وقت قومی اکثریت شیخ مجیب کے ایک اشارے پر کچھ بھی کرنے پر آمادہ تھی۔ لیکن گرم لوہا ٹھنڈا ہوتا چلا گیا

(پروفیسر) غفور صاحب کون تھے؟

January 1, 2013 // 0 Comments

خان عبدالولی خان، مولانا مفتی محمود، غوث بخش بزنجو، عبدالصمد اچکزئی، جی ایم سید، شاہ احمد نورانی، نوابزادہ نصراللہ خان، پروفیسر غفور احمد۔ بظاہر ان ناموں میں کوئی نظریاتی قدرِ مشترک نہیں۔ نسلی و ثقافتی پس منظر بھی مشترک نہیں۔مگر یہ سب اس سیاسی نسل کے لوگ ہیں جو بنی اسرائیل کے بارہویں قبیلے کی طرح کہیں کھو گئی۔ یہ دلائل کے اسلحے سے لڑنے والے بامروت، وضع دار، حریفوں کی پڑھی لکھی، گرم و سرد کی آزمائش سے گزری کندن پیڑھی تھی۔ سیاست ان کا پیشہ نہیں تھا اوڑھنا بچھونا تھا۔آپ کا نظریہ بھلے کچھ بھی ہو، مگر ان لوگوں سے مل کر آپ کچھ نہ کچھ سیکھ کر اٹھتے تھے، کچھ دے کر نہیں لے کر اٹھتے تھے۔ یہ سب کے سب ہر [مزید پڑھیے]

سرکاری خودداری۔۔۔ آخر ہوا کیا ہے؟

November 1, 2006 // 0 Comments

سرکاری بیانات پر اگر یقین کر لیا جائے تو پاکستان ایک خوددار ملک ہے۔ ملک کی جغرافیائی اور نظریاتی سرحدوں کی طرف اگر کوئی میلی آنکھ سے دیکھے تو آنکھ نکالنے کا عزم ظاہر کیا جاتا ہے۔ اصولوں پر ہرگز سودے بازی نہیں ہوتی۔ ملکی سالمیت کا اندرونی اور بیرونی طور پر تحفظ پاکستانی اسٹیبلشمنٹ کا محور ہے۔ بار بار یہ بھی یاد دلایا جاتا ہے کہ پاکستان آبادی کے لحاظ سے دنیا کا دوسرا بڑا اور پہلا مسلمان ایٹمی ملک ہے اور اس ناطے عالمِ اسلام کی قیادت کا پوری طرح اہل ہے۔ لیکن جب امریکا اچانک سے بیچ میں آجائے تو پھر تصویر بدل جاتی ہے۔