مختصر مختصر

جماعت اسلامی ہند کے بزرگ و مرکزی رہنما مولانا محمد شفیع مونس کا ۶ اپریل کو ظہر کے وقت انتقال ہوگیا۔ ۹۳ سالہ بزرگ رہنما ۱۹۱۸ء میں ضلع مظفر نگر اتر پردیش میں پیدا ہوئے تھے۔ ۱۹۴۴ء سے ہی جماعت سے وابستہ ہو گئے تھے۔ مولانا محمد شفیع مونس نے ابتدائی دور میں غازی آباد اور اینگلو عربک اسکول دہلی میں بطور استاد خدمات انجام دیں۔ لیکن بعد میں وہ ملیح آباد اور پھر رام پور میں مرکزی درسگاہ جماعت اسلامی سے وابستہ رہے۔ مونس صاحب اپنی طویل تحریکی زندگی میں جماعت اسلامی کے تمام اہم مناصب پر فائز کیے جاتے رہے۔ نائب امیر جماعت، قیم (سیکریٹری جنرل)، اترپردیش اور آندھرا پردیش کے امیر حلقہ، مرکزی مجلس شوریٰ اور مجلس نمائندگان وغیرہ کے رکن اور [مزید پڑھیے]

آرٹیکل 76 پیپلز اسمبلی صدر کی نامزدگی کرے گی۔ یہ نامزدگی رائے شماری کے لیے عوام کے سامنے رکھی جائے گی۔ جمہوریہ کے صدر کی نامزدگی ایوان کے کم از کم ایک تہائی ارکان کی سفارش پر ہوگی۔ جو امیدوار ایوان میں دو تہائی ارکان کی حمایت حاصل کرسکے گا، اُسی کا نام رائے شماری کے لیے عوام کے سامنے رکھا جائے گا۔ اگر کوئی امیدوار کم از کم مطلوبہ حمایت حاصل نہ کرسکے تو پہلی رائے شماری کے دو دن بعد نامزدگی کا عمل دہرایا جائے گا۔ عوامی رائے شماری میں واضح اکثریت حاصل کرنے والے امیدوار کو صدر کے منصب پر فائز تصور کیا جائے گا۔ اگر امیدوار عوامی رائے شماری میں مطلوبہ اکثریت حاصل نہ کر پائے تو اسمبلی ایک نئے امیدوار [مزید پڑھیے]

امریکی آبادی ۲۰۱۰ء کے دوران تقریباً ۳۰ کروڑ ۸۷ لاکھ افراد پر مشتمل تھی جو ۲۰۰۰ء کے مقابلے میں ۷ء۹ فیصد زائد ہے۔ امریکی شماریاتی بیورو کے مطابق ۱۹۳۰ء کی دہائی کے مطابق سب سے کم اضافہ ہے۔ طویل انتظار کے بعد امریکی شماریاتی بیورو نے گزشتہ منگل کو جو رپورٹ شائع کی ہے اس کے مطابق یکم اپریل ۲۰۱۰ء کو ریاست ہائے متحدہ امریکا کی کُل آبادی ۳۰ کروڑ ۸۷ لاکھ ۴۵ ہزار پانچ سو اڑتیس افراد پر مشتمل تھی۔ جس سے یہ بات واضح ہوتی ہے کہ آبادی کا تناسب جنوبی ریاستوں ایریزونا، نیوادا اورٹیکساس کی جانب ہو چکا ہے۔ دنیا کی سب سے بڑی اور وسیع اقتصادی طاقت میں ۱۹۳۰ء کی دہائی کے مقابلے میں آبادی میں اضافہ میں سب سے زیادہ [مزید پڑھیے]

افغانستان اور پاکستان کے لیے امریکی صدر کے خصوصی ایلچی رچرڈ ہالبروک مختصر علالت کے بعد واشنگٹن میں انتقال کر گئے ہیں۔ ان کی عمر انہتر برس تھی اور وہ دل کے عارضے میں مبتلا تھے۔ سینئر سفارتکار رچرڈ ہالبروک کو چار دن قبل اس وقت اسپتال میں داخل کروایا گیا تھا جب دفتر میں کام کرتے ہوئے ان کی طبیعت بگڑ گئی تھی۔ اسپتال میں فوری طور پر ان کا دل کی شریان کا آپریشن کیا گیا تھا تاہم ڈاکٹروں نے ان کی حالت کو تشویش ناک قرار دیا تھا۔ اتوار کو رچرڈ ہالبروک کا دوسرا آپریشن کیا گیا تاکہ ان کے دورانِ خون کو بہتر بنایا جا سکے تاہم ان کی حالت بہتر نہ ہو سکی اور وہ پیر کی شام انتقال کرگئے۔ [مزید پڑھیے]