جب سادات اپنے حکومتی اہلکار سینئر فوجی افسران اور غیرملکی سفارتکاروں کی جھرمٹ میں فوجی پریڈ کے معائنے کے لیے تشریف لائے‘ سپاہیوں کے ایک گروہ نے گرینیڈ سے صدر پر حملہ کر دیا اور ان پر فائر کھول دیا۔ اُن سپاہیوں میں سے ایک جس کا نام خالد اسلام بولی تھا‘ نے زور سے فرعون مردہ باد کا نعرہ لگاتے ہوئے سادات کی طرف دوڑا اور اُن پر فائر کھول دیا
اسلامک کورٹ یونین صومالیہ کی اسلامی سیاسی تحریک کا انتظامی ڈھانچہ ہے جس نے انتشار کے شکار ملک میں عوامی تائید والی حکومت قائم کرنے میں کامیابی حاصل کی ہے۔ دارالحکومت موگا دیشو پر اس گروپ نے مئی کے آخر میں قبضہ حاصل کر لیا تھا‘ اس کے بعد اسے ایک فیصلہ کن اور مرکزی حیثیت حاصل ہو گئی ہے۔ لاقانونیت سے عاجز اور افلاس میں مبتلا عوام اسے نجات دہندہ سمجھ رہے ہیں اور تائید و حمایت کے ہار اس کے گلے میں ڈال رہے ہیں لیکن مکمل امن کی منزل ابھی بہت دور ہے
جغرافیہ: فلسطین کا رقبہ ۲۷۰۲۴ مربع کلو میٹر ہے۔ یہ سرزمین دنیا کے شمالی حصہ میں جنوب مغربی ایشیا میں واقع ہے۔ اس کے مشرق میں بحرِ روم‘ شمال میں لبنان‘ شمال مشرق میں شام‘ مشرق میں اردن اور جنوب میں مصر واقع ہے۔ اس کا شمار مشرقِ وسطیٰ کے ممالک میں ہوتا ہے۔ فلسطین جنوب کی جانب سے بحر احمر اور مصر کے صحرائے سینا کی حدود میں واقع ہے
نشاۃِ ثانیہ سے پہلے ایک ہزار سال تک عیسائی کلیسا کی یورپ پر مطلق حکمرانی تھی۔ عدم رواداری‘ تعصب اور توہم پرستی نے حصولِ علم اور سائنسی مطالعے کو ناممکن بنا دیا تھا۔ آزاد سوچ کی ہر کوشش سے بدگمان کلیسا نے ایسی ہر تعلیم کو ناجائز قرار دے دیا تھا جو براہِ راست عیسائی تعلیمات کے مطابق نہیں تھی۔ مذہبی عدالتوں نے ہزاروں لاکھوں افراد کو جادو یا کفر کے الزام میں اذیتیں دے کر موت کے گھاٹ اتار دیا تھا۔ سزا یافتہ مجرموں کو ان کی ٹانگیں دو گھوڑوں سے باندھ کر زندہ چیر دیا جاتا تھا
میں بہت زیادہ موروثی دولت کو بدقسمتی خیال کرتا ہوں۔ یہ الفاظ Noble Alfred کے ہیں۔ اُس نے جو کہا وہی کیا اور اُس نے اپنی دولت چھوڑی تاکہ اس سے نوبل انعام کی بنیاد پڑے نہ کہ اُس سے اس کے بچوں کے مستقبل کو محفوظ بنایا جائے۔ اس کی دولت کی رقم ۳۱ ملین سویڈیش کرائون تھی جو کہ امریکی ڈالر ۲۲۰ ملین کے برابر ہے۔ اسے ابتدائی پانچ انعامات کے لیے مختص کر دیا گیا۔ نوبل پرائز کی بنیاد جب پہلی بار ۱۹۰۱ء میں پڑی تو یہ انعام ۴ء۱ ملین نے ایک چیک‘ ایک طلائی میڈل اور ایک ڈپلوما کے عطایا پر مشتمل تھا
حالیہ برسوں میں امریکیوں میں شدید گروہی اختلافات نے جنم لیا ہے اور میرے وائٹ ہائوس چھوڑنے کے بعد ایسا ہوا ہے۔ ان دنوں کانگریس کا میری تجاویز قبول کرنے کا گراف بہت شاندار تھا۔ سیاسی اختلافات پارٹی سے تعلق کے بجائے معاملات کی بنا پر ہوتے تھے۔ میں جنوب سے تعلق رکھنے والے نیوی کے ایک سابق جدت پسند افسر کے طور پر روایتی مالیاتی پالیسی اور مضبوط دفاع کا حامی تھا۔ انسانی حقوق کے معاملے کے حوالے سے مجھے اپنے ملک میں نسلی تقسیم کے تباہ کن اثرات کا ذاتی طور پر تجربہ تھا
ایک اطلاع کے مطابق ترکی میں فوج اور حکومت کے درمیان کشمکش کے آثار ظاہر ہونے لگے ہیں‘ اس کی ایک مثال بری فوج کے سربراہ جنرل الکرباسبگ (Ilker Basbug) کی وہ دھمکی ہے جو انھوں نے ترکی ’’اعتدال پسند‘‘ حکومت کو دی ہے‘ اس حکومت کی ایک پہچان یہ بتائی جاتی ہے کہ یہ خود کو اعتدال پسند تو ضرور ظاہر کرتی ہے مگر اس کا جھکائومذہب کی طرف ہے‘ یعنی یہاں جس طبقہ کی حکومت ہے وہ اپنی بنیاد اور مزاج کے اعتبار سے دین پسند ہے
جنرل اسمبلی نے فلسطین کی تقسیم کے حوالے سے اپنے منصوبے کو عملی شکل دینے کے لیے یروشلم کو بین الاقوامی حیثیت دینے کی سفارش کی تھی۔ تقسیم کی قرارداد میں یہ سفارش تھی کہ یروشلم کو ایک علیحدہ باڈی کی حیثیت دی جائے جو ایک خصوصی بین الاقوامی حکومت کے تحت ہو اور جس کا انتظام اقوامِ متحدہ کے ہاتھوں میں ہو. قرارداد میں یہ بھی سفارش کی گئی کہ شہر کو کسی فوجی نفری سے مبرا ہونا چاہیے اور یہ کہ اس کی غیرجانبدارانہ حیثیت کا اعلان کیا جانا چاہیے اور اسے برقرار اور محفوظ رکھا جانا چاہیے نیز کسی بھی نیم فوجی دستے کے قیام یا اس کی مشقوں یا اس کی سرگرمیوں کو اس شہر کے حدود کے اندر ممنوع قرار دینا چاہیے۔ اس دن سے لے کر آج تک یہ قرارداد کاغذ کے ایک ناکارہ ٹکڑے کی حیثیت رکھتی ہے
رسواے زمانہ خبیث ترین بازنطینی حکمران مینوئل ٹو کے نبی کریمﷺ کے بارے میں گستاخانہ کلمات کو دہرا کر رحمت اللعالمینﷺ کی شان میں گستاخی کا ارتکاب کیا۔ عالمِ اسلام کی طرف سے شدید احتجاج پر اظہارِ افسوس کا جو بیان جاری کیا ہے‘ اس میں اپنی غلطی کا اعتراف کرنے کے بجائے کہا گیا ہے کہ مسلمان ’’اس کے بیان کے صحیح معنی سمجھیں‘‘ یعنی پوپ اس قدر چالاک و مکار ہے کہ اپنے اظہارِ افسوس میں بھی مسلمانوں ہی کو جاہل قرار دے رہا ہے جو اس کے الفاظ کے معنی نہیں سمجھ پائے۔
مبصرین کے خیال میں یہ انٹرویو جسے ایک عالمی نیوز چینل نے براڈ کاسٹ کیا‘ نہایت اہمیت کا حامل ہے ‘ اولاً اس وجہ سے کہ یہ انٹرویو ایک یہودی پیشوا کی آواز ہے جو ببانگ دہل اعلان کرتا ہے کہ صہیونی ڈھانچے کو ختم کرنا از حد ضروری ہے‘ کیونکہ بقول ان کے توریت کے مطابق اس کا قیام قطعاً ممنوع ہے اور اس کی وجہ سے تمام لوگوں کی زندگی اجیرن بن گئی ہے‘ حتیٰ کہ خود یہودی قوم بھی مصیبت سے دوچار ہے۔ ثانیاً اس انٹرویو کو نشر کرنے والا ادارہ‘ امریکا کا وہ فوکس چینل ہے جو اپنی اسلام دشمنی کے لیے مشہور ہے۔
دنیا میں کوئی ریاست ایسی نہیں ہے جس کے وجود کے پیچھے کوئی نظریہ نہ ہو‘ خواہ وہ علانیہ اس کا اقرار کرے یا نہ کرے‘ خواہ وہ سیاسی فلسفے یا بنیادی سیاسی اقدار یا بنیادی سیاسی نظریات یا کسی اور مفروضے اور دلیل کی رُو سے اپنے نظریے کا کچھ بھی نام رکھے۔
رقبے کے اعتبار سے پاکستان کا سب سے بڑا صوبہ بلوچستان آج کل بحران سے دوچار ہے۔ حکمرانوں کی نااہلی اپنی جگہ مگر ’’مسئلہ بلوچستان‘‘ یا علیحدگی پسندانہ رجحانات اور اس کے تحت شورش و بغاوت کی مسلح تحریکوں کے پس پردہ بھی کوئی نیک صفت‘ قانون پسند‘ متقی و صالح شخصیات نہیں ہیں۔ معذرت کے ساتھ‘ ہم انھیں بلوچوں سے بھی مخلص نہیں سمجھتے۔
اس جنگ سے برآمد شدہ نتائج اور اس پر مرتب ہونے والے اثرات کا دائرہ کافی وسیع ہے‘ یہ صحیح ہے کہ جنگ کا اصل مرکز لبنان اور اسرائیل کی سرزمین تھا‘ لیکن اس کے اچھے یا برے نتائج سے بشمول اسرائیل‘ امریکا‘ ایران‘ فلسطین اور پورا عالم عرب کا مستقبل وابستہ ہے۔
سرکاری بیانات پر اگر یقین کر لیا جائے تو پاکستان ایک خوددار ملک ہے۔ ملک کی جغرافیائی اور نظریاتی سرحدوں کی طرف اگر کوئی میلی آنکھ سے دیکھے تو آنکھ نکالنے کا عزم ظاہر کیا جاتا ہے۔ اصولوں پر ہرگز سودے بازی نہیں ہوتی۔ ملکی سالمیت کا اندرونی اور بیرونی طور پر تحفظ پاکستانی اسٹیبلشمنٹ کا محور ہے۔ بار بار یہ بھی یاد دلایا جاتا ہے کہ پاکستان آبادی کے لحاظ سے دنیا کا دوسرا بڑا اور پہلا مسلمان ایٹمی ملک ہے اور اس ناطے عالمِ اسلام کی قیادت کا پوری طرح اہل ہے۔ لیکن جب امریکا اچانک سے بیچ میں آجائے تو پھر تصویر بدل جاتی ہے۔
ایک جائزہ کے مطابق دنیا کی سب سے چھوٹی جمہوریہ‘ ریپبلک آف نورو فی کس آمدنی کے لحاظ سی دنیا کا امیر ترین ملک ہے۔ اس کی فی کس آمدنی امریکا‘ جاپان‘ کویت‘ متحدہ عرب امارات اور قطر سے بھی زیادہ ہے۔ ’’نورو‘‘ مغربی بحر الکاہل میں ۸ مربع میل کا ملک ہے۔ اس کی آبادی تقریباً ۱۰ ہزار افرادپر مشتمل ہے۔ جزیرے کی دولت کا راز فاسفورس کی کانیں ہیں۔
Copyright © 2023 | WordPress Theme by MH Themes