پندرہ روزہ معارف فیچر کراچی، جلد نمبر 7، شمارہ نمبر:2
سعودی عرب عشروں سے اپنے مغربی شریکوں کا دوست رہا ہے۔ ان میں سے بعض مثلاً برطانیہ، کہ جہاں میں نے بطور سفیر کام کیا ہے، سے یہ تعلق تقریباً ایک صدی پر مشتمل ہے۔ یہ اسٹریٹجک اتحادی ہیں، جس کا ہم دونوں کو فائدہ ہے۔ حال ہی میں، یہ تعلقات آزمائش سے گزرے۔۔۔ خاص کر ایران اور شام کے حوالے سے اختلاف کی وجہ سے۔
چین کی حکومت نے ۱۹۷۹ء میں شدید افلاس پر قابو پانے کے لیے فی گھرانہ ایک بچے کی پالیسی اختیار کی تھی۔ اس انتہائی سخت خاندانی منصوبہ بندی نے جو نتائج پیدا کیے، وہ اب بہتوں کے لیے ڈراؤنا خواب بن چکے ہیں۔ معاشرے پر تھوپی جانے والی خاندانی منصوبہ بندی نے افرادی قوت کے حوالے سے مسائل پیدا کرنے کے ساتھ ساتھ مرد و زن کے اعداد و شمار میں بھی عدم توازن پیدا کردیا ہے
تین سال قبل جب مشرق وسطیٰ میں عوامی بیداری کی لہر اٹھی تھی، تب پُرامید ڈیموکریٹس نے ترکی کو ایک اچھے ماڈل کی حیثیت سے دیکھنا شروع کیا تھا، جس نے اسلام کو اعتدال پسندی کے ساتھ اپناتے ہوئے معیشت کو بھی مستحکم کیا ہے۔ بدقسمتی کی بات یہ ہے کہ اہلِ عرب نے اس راہ پر گامزن ہونے سے گریز کیا ہے، جس پر ترکی گامزن ہے۔ اور دوسری طرف ترکی نے عرب دنیا کی پرانی اور جانی پہچانی راہ یعنی بدعنوانی اور مطلق العنانیت کو اپنالیا ہے۔
امریکی محکمۂ خزانہ میں ٹیرر ازم فائنانس کے سابق تجزیہ کار جوناتھن شینزر نے ’’بزنس انسائڈر‘‘ کو بتایا: ’’یہ محض ترک انڈر ورلڈ کا مسئلہ نہیں۔ اس کا تعلق عالمگیر سطح پر بدمعاش ریاستوں اور غیر ریاستی دہشت گرد عناصر سے ہے‘‘۔ جوناتھن شینزر نے اپنے وسیع تجربے کی بنیاد پر ترکی میں چند ماہ کے دوران چند ایسی علامات کی نشاندہی کی ہے جن سے ترک مغربی تعلقات بھی خطرے میں پڑ سکتے ہیں۔
جہادیوں کی قوت بڑھنے سے بعض مغربی ادارے خاموشی سے شام کے صدر بشارالاسد سے رابطہ کررہے ہیں، جبکہ باقیوں کا خیال ہے کہ مذہبی اسلام پسندوں کے ساتھ کام کرنا چاہیے، جو شدت پسندوں کو مسترد کرچکے ہیں۔ لیکن مغربی پشت پناہی اتحاد کا حصہ بننے کو تیار نہیں ہیں۔
مولانا سید ابوالاعلیٰ مودودیؒ، جو سیاسی اسلام کو جنم دینے والے دو تین مفکرین میں شمار ہوتے ہیں، اگر آج زندہ ہوتے تو اسلامی دنیا کا سفر کرتے ہوئے انہیں چند معمولی سے خوشگوار اور بہت سے انتہائی ناخوشگوار تجربات کا سامنا ہوتا۔ ان کے انتقال کے بعد آج پاکستان (بالخصوص افغانستان سے ملحق علاقوں میں) اُن کی قائم کردہ جماعتِ اسلامی ایک مٔوثر اور منظم سیاسی قوت ہے۔
ریڈٹ (Reddit) نامی ویب سائٹ سے لیے گئے اس چارٹ کے مطابق جس کا عنوان ’’انتخاب کا دھوکا‘‘ ہے، ہر کمپنی کا تعلق ایک ربط کی صورت دنیا کی دس بڑی کمپنیوں میں سے کسی ایک سے جا ملتا ہے۔ آپ نے ضرور ان بڑی کمپنیوں کے بارے میں سنا ہوگا لیکن ان کی ملکیت اور اثرورسوخ حیرت انگیز ہے۔
نئی پانچ سالہ میقات کے لیے جماعتِ اسلامی کے امیر کا انتخاب قریب ہے۔مجلسِ شوریٰ نے ارکان کی رہنمائی کے لیے تین ناموں کا اعلان کر دیا ہے۔ اس مرحلے پرشخصیات کو زیرِ بحث لاناتو قطعاً مناسب نہیں ہے، البتہ جماعت کے حقیقی مزاج اور نصب العین اور موجودہ کردار کا ایک ہلکا سا تنقیدی جائزہ لینا خیر خواہی سے خالی نہیں ہو گا۔
اقوام متحدہ سمیت عالمی برادری نے بنگلہ دیش کے حالیہ انتخابات کو مسترد کرتے ہوئے مطالبہ کیا ہے کہ نئے سرے سے ایسے انتخابات کرائے جائیں جن میں تمام سیاسی جماعتوں کو شریک ہونے کا موقع ملے اور لوگ اپنے ضمیر کے مطابق آزادی سے ووٹ ڈال سکیں۔ بنگلہ دیش کے حالیہ انتخابات کی حمایت صرف بھارت نے کی
تیس سالہ خاتون النساء کے شوہر دیناج پور پولیس میں تعینات تھے۔ خاتون النساء نے اپنی المناک کہانی اِن الفاظ میں سُنائی: ’’میں عقوبت خانے کے مناظر اب تک بھلا نہیں سکی۔ وہاں لکڑی کے بڑے تختے تھے جن پر بدنصیب غیر بنگالیوں کو لِٹاکر ذبح کردیا جاتا تھا۔ میں نے وہاں بڑے ٹب بھی دیکھے جن میں پانی گرم کرکے زیادہ سے زیادہ معلومات حاصل کرنے کے لیے یرغمالیوں کو ڈبکی دی جاتی تھی
ایسا نہیں ہے کہ عوام نے ووٹ دے کر ’’عام آدمی پارٹی‘‘ کی راہوں میں پھول بچھائے ہیں۔ اس کا راستہ بہت کٹھن ہے۔ دہلی میں اس کی حکومت خاصی کمزور ہے کیونکہ اکثریت معمولی سی ہے۔ کانگریس نے ’’عام آدمی پارٹی‘‘ کے ہاتھوں شکست کھائی ہے۔ وہ تین بار دہلی پر حکومت کرچکی ہے مگر اب اسے ’’عام آدمی پارٹی‘‘ نے ریاستی اقتدار کے ایوان سے باہر کردیا ہے
بھارت میں فی الوقت ۲۰۱۴ء کے پارلیمانی انتخابات قریب ہیں۔ انتخابات کے پیشِ نظر اقلیتوں پر نظرِکرم پڑ رہی ہے۔ پیش نظر یہ ہے کہ اقلیتیں ان کو نظر انداز نہ کریں بلکہ پارٹی سے مضبوط رشتہ قائم کرتے ہوئے اس کا ووٹ بینک بن جائیں۔ یہی وجہ ہے کہ چہار جانب سے محبت،اظہار ہمدردی اور مسائل کے حل کے بازار لگائے جا رہے ہیں اور محسوس ہوتا ہے کہ ہر طرف غیر معمولی اخوت و محبت کا ماحول پروان چڑھ رہا ہے۔
بین الاقوامی اسلامی یونیورسٹی، اسلام آباد کے تحقیقی ادارہ، ادارۂ تحقیقاتِ اسلامی کا دو لسانی نشریہ ’’اخبار تحقیق‘‘ ذرائع ابلاغ کے لیے جاری کر دیا گیا ہے۔ یہ نشریہ دو سال کے انقطاع کے بعد ۲۰۱۳ء کے خصوصی شمارہ کی حیثیت سے جاری کیا گیا ہے۔ اس شمارے کی خاص بات یہ ہے کہ یہ پہلی بار اردو کے علاوہ عربی میں بھی شائع کیا گیا ہے۔
شہنشاہ جاپان Akihito نے عالمی سطح کی ۴۰ ممتاز شخصیات کو ان کی علمی اور تہذیبی خدمات کی ستائش میں جاپان کا اعلیٰ ترین سول اعزاز “Order of the Rising Sun” دیا ہے۔ ان شخصیات میں پاکستان کے نامور محقق اور جامعہ کراچی کے شعبہ اردو کے سابق صدر پروفیسر ڈاکٹر معین الدین عقیل بھی شامل ہیں، جنہیں ان کی خدمات کے اعتراف میں اعلیٰ ترین اعزاز سے نوازا گیا ہے۔
Copyright © 2023 | WordPress Theme by MH Themes