شہادتوں اور دستاویزی ثبوتوں سے یہ بات تو اب روزِ روشن کی طرح واضح ہوکر سامنے آچکی ہے کہ مشرقی پاکستان میں پاکستانی فوج نے جو آپریشن ۲۵ مارچ ۱۹۷۱ء کو شروع کیا، اُس سے بہت پہلے ہی وہاں غیر بنگالیوں کا قتلِ عام شروع ہوچکا تھا۔ نہتے شہریوں کو چُن چُن کر نشانہ بنایا جارہا تھا اور یہ بات بھی اب ڈھکی چھپی نہیں رہی کہ عوامی لیگ نے بہت پہلے ہی قتل و غارت کا سلسلہ شروع کردیا تھا
عوامی لیگ کے کارکنوں اور اُن کے حامیوں نے ایک نام نہاد امن کمیٹی قائم کی تھی۔ اُنہوں نے شہر کے تمام غیر بنگالیوں سے کہا کہ وہ اپنے ہتھیار اور آتشیں اسلحہ امن کمیٹی کے حوالے کردیں۔ عوامی لیگ کی مقامی قیادت نے یقین دلایا تھا کہ غیربنگالیوں کو مکمل تحفظ فراہم کیا جائے گا۔ عوامی لیگ کے وعدے پر یقین کرتے ہوئے غیربنگالیوں نے اپنے ہتھیار اور اسلحہ امن کمیٹی کے حوالے کردیے۔
ایک بنیادی سوال ہے کہ مشرقی پاکستان کی علیحدگی کے سانحے کا ’’ڈائریکٹر‘‘ کون تھا؟ مشرقی پاکستان کی علیحدگی کس کی سرپرستی، مدد اور مداخلت سے عمل میں آئی؟ اس کا ہرگز مطلب اپنی سیاسی غلطیوں، کوتاہیوں، مختلف حکومتوں، حکمرانوں اور فوجی راج کے پیدا کردہ احساس محرومی پر پردہ ڈالنا نہیں کیونکہ وہ سب کچھ بہرحال تلخ حقیقتیں ہیں اور انہیں تسلیم کرنا پڑے گا۔ اسی سے دوسرا سوال جنم لیتا ہے کہ کیا اس قسم کی محرومیاں، کوتاہیاں، غیر دانشمندانہ پالیسیاں اور بے انصافیاں صرف پاکستان میں ہی روا رکھی گئیں؟
افواہ کو پھیلانے کا بنیادی مقصد سنتاہار میں بنگالیوں کو غیربنگالیوں کے خلاف اُکسانا تھا۔ نتیجہ یہ نکلا کہ ۲۵ مارچ ۱۹۷۱ء کو عوامی لیگ کے کارکنوں اور ایسٹ بنگال رجمنٹ اور ایسٹ پاکستان رائفلز کے منحرف سپاہیوں نے غیربنگالیوں کو قتل کرنا اور اُن کی املاک کو لوٹنا اور تباہ کرنا شروع کردیا۔ قتل و غارت کا سلسلہ ۲۷؍اپریل ۱۹۷۱ء تک جاری رہا اور اس وقت رکا جب پاکستانی فوج کے دستوں نے سنتاہار کا کنٹرول سنبھالا
افسر علی راج شاہی کے علاقے صاحب بازار میں رہتا تھا، اُسے ایک بنگالی دوست نے پناہ دی۔ افسر علی نے بتایا کہ اس نے اپریل ۱۹۷۱ء کے دوران راج شاہی کے مختلف علاقوں میں بھارتی فوج کے کئی اہلکاروں اور افسروں کو دیکھا۔ یہ لوگ ہندی بولتے تھے اور باغیوں کے گروہوں کو غیر بنگالیوں پر فائرنگ کا حکم دیا کرتے تھے
ستم اور درندگی کی انتہا یہ ہے کہ ہزاروں غیر بنگالیوں کو قتل کرنے کے بعد اُنہیں اجتماعی قبروں میں ڈالنے کے بعد عوامی لیگ نے یہ پروپیگنڈا کیا کہ یہ لاشیں اُن بنگالیوں کی ہیں جنہیں پاکستانی فوج نے قتل کیا۔ بہت سے پاکستان نواز اور خدا ترس بنگالیوں نے پورے شواہد کے ساتھ بتایا کہ غیر بنگالیوں کو قتل کر کے ان کی لاشیں بنگالیوں کی حیثیت سے دنیا کے سامنے پیش کرنے کی کوشش کی گئی۔
وہاں سیکڑوں غیربنگالی عورتیں جمع تھیں۔ چند عورتوں نے قرآن کے نسخے اٹھا رکھے تھے اور باغیوں سے گڑگڑا کر التجا کر رہی تھیں کہ اُنہیں گھر جانے دیا جائے تاکہ وہ اپنے یتیم بچوں کو تلاش کر سکیں۔ ایک باغی نے ایک عورت سے قرآن چھین کر اُس کے چہرے پر ڈنڈا مارا۔ اِس عقوبت خانے میں ہم نے ایک ہفتہ گزارا۔ اس دوران کئی بچے بھوک اور پیاس سے مرگئے۔
میمن سنگھ کے بیشتر علاقوں میں مکتی باہنی کے غنڈوں اور ایسٹ پاکستان رائفلز کے منحرف سپاہیوں نے دہشت کا بازار گرم کر رکھا تھا۔ سب سے پہلے انہوں نے ہمارے علاقے میں آباد ۷۰ پنجابی گھرانوں کے تمام مَردوں کو منتخب کیا اور اُنہیں ایک قریبی اسکول میں بنائے ہوئے عقوبت خانے میں قتل کر ڈالا۔ اس کے بعد باغیوں نے اپریل کے دوسرے ہفتے کے اوائل میں ہمارے علاقے کے تمام غیربنگالی مردوں اور نوجوانوں کو قتل کرنے کی بھرپور منصوبہ بندی کی۔
عوامی لیگ کے کارکنوں نے میمن سنگھ میں ایک بڑا جلوس نکالا۔ جلوس کے شرکا رائفلوں، پستولوں اور لاٹھیوں سے مسلح تھے۔ یہ لوگ غیر بنگالیوں کے خلاف پرجوش نعرے لگا رہے تھے۔ میرے بنگالی دوستوں نے بتایا کہ جلوس کے چند شرکا میمن سنگھ کے رہنے والے نہیں تھے۔ یہ جلوس ہمارے علاقے سے بھی گزرا۔ شرکا نے بہاریوں کے خلاف نعرے لگائے۔ جلسے کی قیادت کرنے والوں نے میگا فون پر اعلان کیا کہ علاقے کے تمام غیر بنگالی اپنے ہتھیار رضاکارانہ طور پر جمع کرا دیں
پاکستان کے لیے ’’نیویارک ٹائمز‘‘ کے نمائندے میلکم براؤن نے جو ڈسپیچ بھیجا وہ ۷ مئی ۱۹۷۱ء کو شائع ہوا۔ اِس میں لکھا تھا کہ ’’افسران نے بتایا ہے کہ پاکستانی فوج کے دستوں کی آمد سے قبل میمن سنگھ میں بنگالی باغیوں نے کم و بیش ایک ہزار غیر بنگالیوں کو موت کے گھات اتارا۔
عوامی لیگ کے شرپسندوں نے سازش کے تحت یہ پروپیگنڈا کیا کہ مغربی پاکستان میں بنگالیوں کو قتل کیا جارہا ہے اور پاکستانی فوج ڈھاکا میں بنگالیوں کو چُن چُن کر قتل کر رہی ہے۔ اس پروپیگنڈے کا بنیادی مقصد عام بنگالی کو سابق مشرقی پاکستان کی سرزمین پر آباد تمام غیر بنگالی پاکستانیوں کے خلاف اُکسانا تھا۔ اِس پوری ہنگامہ آرائی کے دوران موت کے گھاٹ اتارے جانے والے غیر بنگالیوں کی تعداد کم و بیش ۱۵؍ہزار تھی
دوست نے مجھے بتایا کہ عوامی لیگ کے کارکن اور چند بنگالی ہندو مل کر غیر بنگالیوں کے خلاف فضا بنا رہے ہیں اور بنگالیوں کو غیر بنگالیوں کے قتل عام پر اکسایا جارہا ہے۔ بنگالی دوست نے خدشہ ظاہر کیا کہ مغربی بنگال سے بھارت کے ایجنٹ جیسور اور نریل میں بھی داخل ہوچکے ہیں۔ اُس نے مجھے مشورہ دیا کہ اہل خانہ کو نریل کے نواح میں ایک مشترکہ بنگالی دوست کے گھر منتقل کردوں
اس قتل عام کے بعد قاتل بھارت بھاگ گئے۔ بچوں کو بھی نہیں بخشا گیا۔ انہیں قتل کرکے ان کی ماؤں کو اغوا کرلیا گیا اور ان میں سے بیشتر کی عزت پامال کردی گئی۔ جب باغی بھارت بھاگ گئے تو بہت سے تباہ شدہ مکانات سے ایسی بہت سی غیر بنگالی لڑکیوں کی لاشیں ملیں جن کی چھاتیاں کاٹ دی گئی تھیں۔ غیر بنگالی لڑکیوں اور عورتوں کو ہوس کا نشانہ بنانے کے لیے عوامی لیگ کے غنڈوں اور ان کے ساتھیوں نے چیمبرز بنا رکھے تھے۔ کالی گنج میں کم و بیش ۳۰۰ غیر بنگالی جان سے ہاتھ دھو بیٹھے۔
جیسور بھارتی سرحد کے نزدیک اسٹریٹجک اہمیت کا کنٹونمنٹ ایریا ہے۔ مارچ اور اپریل ۱۹۷۱ء کے دوران جیسور میں سیکڑوں غیر بنگالیوں اور چند پاکستان نواز بنگالیوں کو بھی انتہائی بے دردی سے موت کے گھاٹ اتارا گیا۔ قاتلوں میں ایسٹ پاکستان رائفلز اور پولیس کے منحرف اہلکاروں اور عوامی لیگ کے کارکنوں کے علاوہ بھارت سے در اندازی کرنے والے ہندو بھی شامل تھے
عوامی لیگ کے غنڈوں نے ۲۵ مارچ ۱۹۷۱ء کو سعید پور کے ان علاقوں پر حملہ کیا جہاں غیر بنگالی زیادہ تعداد میں رہتے تھے۔ ان میں ریلوے کالونی بھی شامل تھی۔ باغیوں نے میرے داماد کے کوارٹر پر بھی حملہ کیا۔ انہوں نے میرے داماد اور اُس کے بھائیوں کو قتل کرنے کے بعد میری بیٹی اور اُس کی نند کو اغوا کرلیا۔ جب سعید پور میں فوج آئی تو میں نے اپنی بیٹی اور اُس کی نند کو بہت تلاش کیا مگر دونوں کا کچھ پتا نہ چلا
Copyright © 2023 | WordPress Theme by MH Themes