مسلم دنیا

مسلم دنیا میں قیادت کا فقدان۔۔۔

August 16, 2020 // 1 Comment

ایک بار پھر مغربی طاقتیں اسرائیل کو تسلیم کرنے کے لیے مسلم ممالک پر دباؤ بڑھارہی ہیں۔ یہ معاملہ کسی ملک کو تسلیم کرنے کا نہیں بلکہ مسلم دنیا کے ایمان کے سینے میں خنجر گھونپنے کا ہے۔ اسرائیل کا وجود مسلم دنیا کے جسم میں پل پل پھیلتے ناسور جیسا ہے۔ دوسری جنگِ عظیم کے اختتام پر اسرائیل کو قائم کرکے مغربی طاقتوں نے مسلم دنیا کے لیے ایک مستقل نوعیت کی اذیت کا سامان کیا۔ اسرائیل کے ذریعے مسلم دنیا کو اذیت دینے کا سلسلہ اب تک جاری ہے۔ پہلی جنگِ عظیم کے نتیجے میں جو نفرت پیدا ہوئی تھی، اس نے یہودیوں کو بہت بڑے پیمانے پر موت کے گھاٹ اتارنے کا سامان کیا۔ جرمن نازیوں نے یہودیوں سے صدیوں کے دوران [مزید پڑھیے]

مسلم دنیا کی سیاست

March 1, 2020 // 0 Comments

حالیہ دنوں میں ملائشیا کے دورے کے دوران وزیراعظم عمران خان نے اس امر کا اعتراف کیا کہ انہوں نے دسمبر میں کوالالمپور میں ہونے والی مسلم ممالک کی کانفرنس میں اس لیے شرکت نہیں کی تھی کہ پاکستان کے بعض دوست ممالک کو یہ خدشہ تھا کہ یہ کانفرنس مسلم دنیا کو تقسیم کرنے کے مقصد سے بلائی گئی ہے۔ وزیراعظم کا اشارہ ولی عہد شہزادہ محمد بن سلمان کی جانب تھا کہ جنہوں نے انہیں مدعو کیا اور یہ باور کروایا کہ وہ اس کانفرنس سے دور رہیں کیونکہ ان کے نزدیک اس کانفرنس کے روح رواں ایران، ترکی اور قطر ہیں، جنہیں سعودی سلطنت مسلم دنیا میں اپنے اثرورسوخ کی راہ میں رکاوٹ سمجھتی ہے۔ پاکستان کے لیے یہ ساری صورتحال خوش [مزید پڑھیے]

مسلمان اور مغرب

May 1, 2019 // 1 Comment

مشرقی اور بالخصوص مشرق وسطیٰ کے علوم میں غیر معمولی مہارت کے حامل معروف برطانوی نژاد امریکی اسکالر برنارڈ لیوئس نے اپنے ایک مضمون میں ’’تہذیبوں کا تصادم‘‘ کی اصطلاح استعمال کی اور پھر یہ اصطلاح دنیا بھر میں اس حوالے سے سوچنے، لکھنے اور بولنے والوں کے حواس پر چھاگئی۔ برنارڈ لیوئس نے زندگی بھر مغرب اور اسلام کی مخاصمت کے حوالے سے لکھا۔ ۱۹۳۳ء میں انہوں نے ’’اسلام اور مغرب‘‘ کے زیر عنوان کتاب لکھی۔ زیر نظر مضمون اِس کتاب کے متعدد اقتباسات اور برنارڈ لیوئس کے انٹرویوز سے لیے گئے نکات پر مشتمل ہے۔ برنارڈ لیوئس ۱۹۱۶ء میں پیدا ہوئے اور ان کا انتقال ۲۰۱۸ء میں ہوا۔[مزید پڑھیے]

مسلم دنیا کی آبادی میں تبدیلیاں

March 1, 2013 // 0 Comments

اسلامی دنیا میں ایک بڑی تبدیلی رونما ہونے والی ہے۔ میں عرب بہار یا بنیاد پرستی کی بات نہیں کر رہا۔ ماہرین نے بتایا ہے کہ مسلم دنیا میں شرحِ پیدائش گر رہی ہیں اور عرب خواتین میں بھی شادی سے گریز کا رجحان تقویت پا رہا ہے۔ امریکی انٹر پرائز انسٹی ٹیوٹ کے ماہر نکولس ایبرٹیٹ نے دو حالیہ مقالوں میں اپنی تحقیق کا نچوڑ پیش کیا ہے۔ ان دونوں مقالوں کو پڑھ کر اندازہ ہوتا ہے کہ اسلامی دنیا میں آبادی کے اضافے کے حوالے سے واویلا بے بنیاد ہے۔ آبادی بڑھ رہی ہے مگر بہت جلد ایسی کیفیت پیدا ہوگی جو آبادی میں کمی کی راہ ہموار کرے گی۔ نکولس ایبرٹیٹ نے اپوروا شاہ (Apoorva Shah) کی معاونت سے تحریر کیے جانے [مزید پڑھیے]

امریکی راج خطرے میں کیوں؟

October 16, 2012 // 0 Comments

چند امریکی فلم سازوں نے جو گستاخانہ فلم بنائی ہے، اس پر اسلامی دنیا میں شدید احتجاج کیا گیا ہے۔ لیبیا میں امریکی سفیر کو قتل بھی کردیا گیا۔ اس حوالے سے امریکی سیاست دان اور میڈیا نے غیر عاقلانہ اور بے سر و پا تبصرے کیے ہیں۔ ایک بار پھر یہ سوال پورے زور و شور سے اٹھایا گیا ہے کہ ہم امریکیوں سے اسلامی دنیا کے لوگ اس قدر نفرت کیوں کرتے ہیں؟ دنیا بھر میں امریکا سے نفرت کرنے والے مسلمانوں کی تعداد بڑھتی ہی جارہی ہے۔ حقیقت یہ ہے کہ نائن الیون سے ہم نے کوئی سبق نہیں سیکھا۔ میڈیا کے ذریعے امریکی قیادت نے عام امریکیوں کے ذہن میں یہ بات ٹھونسنے کی کوشش کی ہے کہ مسلمان ہم امریکیوں [مزید پڑھیے]

عرب دنیا میں اسلامی جماعتوں کو درپیش چیلنج

November 16, 2011 // 0 Comments

امریکی وزیر خارجہ ہلیری کلنٹن نے حال ہی میں کہا ہے کہ ان کا ملک مسلم دنیا کی اسلامی جماعتوں سے مل کر کام کرے گا۔ تاریخی اعتبار سے دیکھیں تو امریکا کو ایسا کرنے پر مجبور کرنے والے بہت سے عوامل ہیں۔ مغرب میں بہتوں کو اندازہ ہوچکا ہے کہ اسلامی دنیا میں لادینی جابرانہ آمریت کی معاونت کرتے رہنا مالی اور سیاسی دونوں اعتبار سے بہت مہنگا پڑتا ہے۔ دوسری جانب خود امریکا بھی یہ محسوس کرتا ہے کہ اسلامی جماعتوں کو کم از کم جزوی سطح پر نظام میں شامل رکھنے سے ان میں تبدیلی کی راہ ہموار ہوتی ہے۔ سیاسی عمل میں شریک رہنے سے ان کی اصلاح کی گنجائش نکلتی ہے۔ حقیقی عزائم خواہ کچھ ہوں، اسلامی جماعتوں کو عرب [مزید پڑھیے]

اگر نائن الیون نہ ہوا ہوتا!

October 1, 2011 // 0 Comments

جو کچھ ۱۱؍ ستمبر ۲۰۰۱ء کو امریکا میں ہوا، اگر وہ نہ ہوا ہوتا تو آج دنیا کتنی مختلف ہوتی؟ اگر ان حملوں کو ناکام بنا دیا جاتا یا پوری طرح کامیاب ہونے سے روک دیا جاتا تو کیا ہوتا؟ ایک سیدھا سا جواب یہ ہوسکتا ہے کہ امریکیوں کو اس وقت باقی دنیا کی جتنی فکر لاحق ہے، لاحق نہ ہوئی ہوتی۔ نائن الیون سے کچھ ہی دن قبل یعنی ستمبر ۲۰۰۱ء کے ابتدائی دنوں میں ایک سروے میں صرف ۱۳ فیصد امریکیوں نے کہا تھا کہ امریکا کو دنیا کی قیادت تنہا سنبھالنا چاہیے۔ ۳۳ فیصد سے کچھ ہی زیادہ لوگوں نے غیرمعمولی دفاعی اخراجات کی وکالت کی تھی۔ اب یہ اعداد و شمار یقینا کہیں زیادہ ہوں گے۔ ٹھیک ہے نا؟ غلط، [مزید پڑھیے]

ایردوان کا ’’ریئلٹی چیک‘‘

October 1, 2011 // 0 Comments

مسلم دنیا کے باشندوں کی اچھی خاصی تعداد ترکی کی حکمراں جماعت جسٹس اینڈ ڈیویلپمنٹ پارٹی (اے کے پی) اور اس کے قائد رجب طیب ایردوان کے سحر میں گرفتار ہے۔ طیب ایردوان کی یہ کامیابی کسی بھی اعتبار سے نظر انداز کیے جانے کے قابل نہیں کہ ان کی قیادت میں اے کے پی نے تین بار عام انتخابات میں کامیابی حاصل کی ہے اور اسے ترک عوام کی واضح اکثریت نے اپنے بھرپور اعتماد سے نوازا ہے۔ اسلامی دنیا کو ایک متحرک اور پرعزم قائد کی ضرورت ہے اور ترکی سے باہر اس حوالے سے ایردوان کو چاہنے اور احترام کی نظر سے دیکھنے والوں کی تعداد کم نہیں۔ اس حوالے سے ولولے کو پرکھنے اور چند حقائق پر نظر رکھنے کی ضرورت [مزید پڑھیے]

اسلامی تحریکوں کے لیے فیصلہ کن مرحلہ!

June 1, 2011 // 0 Comments

مشرقِ وسطیٰ میں اسلامی تحریکوں کی ابھرتی ہوئی قوت نے دنیا بھر کو ہلا کر رکھ دیا ہے۔ مشرق وسطیٰ میں عشروں سے برسراقتدار سیکولر حکمرانوں کی رُسواکن رخصت یا متوقع علیحدگی کے بعد وہاں اسلامسٹ ہی واحد سیاسی قوت بن کر سامنے آرہے ہیں۔ مغرب میں اس وقت یہ موضوع ہر جگہ زیر بحث ہے کہ ماضی سے مختلف رویہ رکھنے والے آج کے اسلامسٹوں سے کس طرح ڈیل کرنا چاہیے؟ ٭ پچھلے دو عشروں کے دوران مسلم دنیا میں دو دلچسپ اور باہم متضاد رویے نظر آتے ہیں۔ ایک طرف تو القاعدہ اور اس سے متاثر عسکری تنظیمیں ہیں، جو امریکی بالادستی (Hegemony) کے خلاف مسلح بلکہ پرتشدد جدوجہد پر یقین رکھتی ہیں بلکہ القاعدہ تو ایک قدم آگے بڑھ گئی ہے۔ افغان [مزید پڑھیے]

۲۰۳۰ء: پاکستان سب سے بڑی مسلم آبادی کا ملک بن جائیگا!

March 1, 2011 // 0 Comments

کرۂ ارض پر مسلمانوں کی آبادی ۲۰۳۰ء تک ایک اندازہ کے مطابق ۲ء۲ بلین (۲ ارب ۲۰ کروڑ) پہنچ جائے گی۔ جبکہ ۲۰۱۰ء میں مسلمان کی آبادی ۶ء۱ بلین (ایک ارب ۶۰ کروڑ) تھی۔ تجزیاتی رپورٹ کے مطابق پاکستان مسلم دنیا میں سب سے بڑی مسلم آبادی کا ملک ہو جائے گا۔ پیوریسرچ سینٹر واشنگٹن کے مطابق مسلمانوں کی آبادی کا ۶۰ فیصد حصہ ایشیا بحرالکاہل کے درمیان رہتا ہے۔ لیکن پاکستان کے متعلق یہ اندازہ ہے کہ وہ آبادی کے لحاظ سے موجودہ سب سے بڑی مسلم آبادی کے ملک انڈونیشیا کو پیچھے چھوڑ دے گا۔ ۲۰۳۰ء میں پاکستان کی آبادی ۲۰۱۰ء میں ۱۷۸ ملین (۱۷ کروڑ ۸۰ لاکھ) سے بڑھ کر ۲۵۶ ملین (۲۵کروڑ ۶۰ لاکھ) ہو جائے گی۔ ۱۹۷۱ء تک پاکستان آبادی [مزید پڑھیے]

بنیاد پرستی کی تعریف

June 1, 2010 // 0 Comments

ڈاکٹر جعفر شیخ ادریس اُن بقید حیات علمی شخصیات میں سے ہیں جو دورِ حاضر میں ہمارے لیے علمی و فکری مرجع کی حیثیت رکھتی ہیں۔ فلسفہ میں پی ایچ ڈی ہیں، جبکہ حدیث شیخ ابن بازؒ سے پڑھ رکھی ہے اور عقیدہ میں بالعموم مدرسۂ نجد سے کسب فیض کیا ہے۔ امریکا میں بننے والے انٹرنیشنل انسٹی ٹیوٹ آف اسلامک تھاٹ میں عالم اسلام کے جو مفکرین پیش پیش رہے، ان میں ڈاکٹر جعفر ادریس بھی شامل رہے ہیں۔ بعد ازاں، یعنی اِس انسٹی ٹیوٹ پر ’’عقلیت پسند‘‘ رجحانات کی چھاپ بڑھ جانے کے بعد، ڈاکٹر جعفر نے امریکن اوپن یونیورسٹی کی بنیاد رکھی، جس میں ہمارے استاد ڈاکٹر صلاح الصاویٰ آپ کے دست راست تھے، جو بعد ازاں ڈاکٹر جعفر شیخ ادریس کے [مزید پڑھیے]

جہادیوں کے خلاف جہاد

March 16, 2010 // 0 Comments

گیارہ ستمبر ۲۰۰۱ء کو امریکا میں جو کچھ ہوا وہ بہت سوں کے لیے بے حد بھیانک تھا مگر حقیقت یہ ہے کہ اس کے بعد جو کچھ ہوا اس سے لوگوں کو زیادہ خوف محسوس ہوا۔ القاعدہ نے صرف یہی ثابت نہیں کیا تھا کہ وہ بڑے پیمانے پر حملے کرنے کی صلاحیت اور سکت رکھتی ہے بلکہ یہ بھی ثابت ہوا کہ مسلمانوں کے دل و دماغ پر القاعدہ کے اثرات بہت گہرے ہیں اور اگر مسلمانوں کی جانب سے القاعدہ کی حمایت کا تاثر عام ہوا ہے تو ہماری ذمہ داری بڑھ گئی کہ اس تاثر کو ختم کریں۔ دنیا بھر میں ایک ارب پچاس کروڑ سے زائد مسلمان ہیں جو ۱۵۰ ؍ممالک میں بسے ہوئے ہیں۔ اگر ان میں بیشتر جہادی [مزید پڑھیے]

یورپی یونین: ترکی کی شمولیت کا قضیہ

October 1, 2009 // 0 Comments

وقت گزرنے کے ساتھ ساتھ یہ ظاہر کرنا دشوار تر ہوتا جارہا ہے کہ یورپی یونین سے ترکی کے مذاکرات اب تک درست سمت میں جاری ہیں۔ یورپی یونین میں ترکی کے دوست ممالک یہ سمجھتے ہیں کہ تاریخ ان کا ساتھ دے رہی ہے۔ ان قوم پرست سیاست دانوں، سفارت کاروں اور یورپی یونین کے عہدیداروں سے پوچھیے کہ کیا ان کے خیال میں ترکی کسی دن یورپی یونین کی مکمل رکنیت حاصل کرنے میں کامیاب ہو جائے گا تو وہ کہیں گے کہ ترکی کو مکمل رکنیت ملنی ہی چاہیے۔ ان کا استدلال یہ ہے کہ ایک دو عشروں میں ترکی پر کیے جانے والے اعتراضات دم توڑ دیں گے، مسلم دنیا سے رابطے کے ذریعے کے طور پر، علاقائی سفارتی قوت کی [مزید پڑھیے]

نئے نیٹو سربراہ مسلم دنیا کے لیے ناقابلِ قبول

May 1, 2009 // 0 Comments

اینڈرز فوگ رسمیوسین(Anders Fogh Rasmussen) ۱۵ اپریل کو نیٹو کے نئے سربراہ نامزد کر دیے گئے۔ مسلم دنیا میں ان کا قابلِ قبول ہونا بہت مشکل ہے۔ ڈنمارک کے وزیراعظم کی حیثیت سے انہوں نے ۲۰۰۳ء عراق پر امریکی جارحیت کی حمایت کی نیز ۲۰۰۵ء میں ڈنمارک کے ایک اخبار میں رسول اکرمؐ کا اہانت آمیز خاکہ شائع ہوا۔ پوری مسلم دنیا میں غم و غصے کی لہر دوڑ گئی مگر اس شخص نے آزادیٔ رائے کے اظہار کے نام پر اس اخبار کی پُرزور حمایت کی۔ ۵۶ سالہ Rasmussen سابق امریکی صدر جارج ڈبلیو بش کے اتنے قریبی دوست رہے ہیں کہ حزبِ اختلاف نے طنزاً انہیں ’’بش کا خواجہ سرا‘‘ کا نام دیا تھا۔ Rasmussen نے آزادی کے حوالے سے بش کے نظریات [مزید پڑھیے]

ترکی کو کیاسبق ملا ہے؟

October 16, 2005 // 0 Comments

یہ سوال بہتوں کے لئے پریشان کن ہے کہ ترکی کب تک یورپ کی جانب سے ذلت و رسوائی برداشت کرتا رہے گا او ریہ کہ اس کی قومی غیرت کب بیدار ہوگی۔ جس کے بعد وہ یورپ کو صاف صاف کہہ سکیں کہ ہمیں تمہاری یونین میں شمولیت نہیں چاہئے۔ ۴۰ سال سے زائد عرصے سے ترک قوم یورپی بلاک کے بند دروازے پر دستک دیتی آرہی ہے جس کے جواب میں یورپ ان سے بہ تکرار یہ کہتا رہا ہے کہ تم ایک بڑے‘ غریب اور مسلم ملک ہو اور یہ کہ ہمارے اور تمہارے درمیان کچھ بھی قدر مشترک نہیں ہے۔ لہٰذا یورپ میں تمہارے لئے کوئی جگہ نہیں ہے۔ کئی سالوں سے یورپ یونان کو استعمال کرتا رہا ہے جو کہ [مزید پڑھیے]

1 2 »